Guðrún Nína

Útlönd:)

Wed, 25 Jun 2008 12:58:41 GMT

Jæja fólk, einhverjar hugmyndir um það hvert maður eigi að skreppa til útlanda í ágúst??

Gott veður

Tue, 24 Jun 2008 15:27:25 GMT

Ég elska gott veður:D Er að hugsa um að skreppa jafnvel í sund eftir vinnu og fá smá tan;)

Laugarvegurinn og þumallinn

Thu, 19 Jun 2008 10:35:42 GMT

Núna sit ég hérna í vinnunni, hef lítið að gera og er bara að bíða eftir því að komast heim og leggja af stað í Laugarvegsgönguna! Þetta verður æði. Allt tilbúið, var mest allt gærkvöld að pakka niður, kaupa nesti og koma öllu fyrir.

Mér tókst samt í gær að meiða mig á þumlinum. Ekki nógu sniðugt. Verst var eiginlega hvað það var hryllilega klaufalegt að það er varla hægt að segja frá því!:
Ég sleit sem sagt liðband í þumlinum hjá mér við það að fara úr skónum! já, við það að fara úr skónum! Haha!! Ég skil ekki að þetta sé hægt. Ég var bara að fara úr skónum heima eftir vinnu og þá einhvern veginn beyglaði ég puttann og allt fór í klessu, frekar vont! Pabbi hélt meira að segja að ég gæti verið brotin þannig að við fórum upp á spítala og tókum röntgenmynd í morgun! Sem betur fer var það nú samt ekki brot, það hefði verið saga að segja frá því að ég hefði brotið á mér þumalinn við það að fara úr skónum heima í forstofu!! Nógu slæmt að hafa bara slitið liðband. Haha, mér finnst þetta eiginlega bara alveg ótrúlega fyndið, ég skil ekki hvað ég get verið mikill klaufi stundum!:P Pabbi er að reyna að redda spelku fyrir mig svo ég geti nú farið í gönguna án mikilla vandræða. Vesenið á mér alltaf hreint!

Ég var eiginlega bara orðin skíthrædd um að ég kæmist kannski ekki á Laugarveginn út af því að ég asnaðist til að fara eitthvað skringilega úr skónum! En það var nú ekki þannig sem betur fer:)

Við leggjum sem sagt af stað beint eftir vinnu hjá mér á eftir. Þá förum við til foreldra hans Árna uppi í sveit og þau ætla að skutla okkur upp í Landmannalaugar. Þar hittum við alla krakkana og gistum svo eina nótt. Það á svo að leggja af stað í gönguna eldsnemma á föstudagsmorgninum og ganga í Hvanngil. Það eru alveg 25 kílómetrar og víst frekar erfitt. Ég hugsa samt að þetta verði alveg snilldarskemmtilegt!! Við gistum svo þar og löbbum á laugardeginum í Þórsmörk. Um kvöldið á laugardeginum ætlum við að grilla eitthvað gott og gistum svo þar í skála um nóttina. Förum svo heim með rútunni um 15 leytið á sunnudeginum.

Þetta verður snilld! og ekki spillir veðrið fyrir!:D

Byrjuð að vinna

Sun, 08 Jun 2008 17:25:22 GMT

Þá er bara sumarvinnan komin á fullt. Byrjaði á spítalanum á sunnudaginn. Það er ágætt bara. Virtist vera voðalega róleg stemmning þarna og fínt starfsfólk þannig að þetta verður örugglega bara fínt.

Bankavinnan hófst svo á mánudaginn. Mér líður samt eins og smá kjáni. Ég var einhvern veginn bara búin að gefa mér það að ég væri að fara að vinna sem gjaldkeri eins síðast. Nema hvað, þegar ég mætti í vinnunna þá skildi ég ekki alveg hvað væri í gangi. Ég átti víst að fylgja Önnu sem er þjónustufulltrúi. Haha, þá á ég semsagt að vera þjónusufulltrúi í sumar:P Sem er bara ennþá betra. Gaman að læra nýja hluti. Ég er sem sagt núna búin að vera að fylgja Önnu í eina viku og á að fylgja henni eitthvað fram í þá næstu. þetta er svona smám saman að koma. Gaman að læra svona mikið um peningamál! Ég hlakka bara til að takast á við þetta í sumar:D

Svo er alltaf að styttast í Laugarvegsgönguna:) En fyrst er útskrift hjá Sirrý um næstu helgi á laugardeginum og gifting og skírn hjá Ásgeiri frænda og Írisi á sunnudeginum.

Gott líka bara að mamma og pabbi eru komin heim frá Kanada! Rosa fínt að hafa þau hér.

Ég er bara ótrúlega spennt fyrir sumrinu:) Þægilegt að þurfa ekki að vera að læra alltaf hreint.

Sólarkveðjur frá mér í dag:D

Sumarfrí!

Sat, 24 May 2008 17:38:20 GMT

Jei! Ég er búin í prófum! Það var nú líka eiginlega kominn tími til. Búin að vera eiginlega stanslaust í prófum síðan í mars. Enda líður mér ekkert smá vel núna. Þetta er alveg ótrúlegt. Ég er reyndar líka alveg rosalega þreytt en það mun lagast þegar ég næ að hvílast vel.

Við fórum eftir prófið í gær beint á Selfoss í slökun. Okkur var líka boðið í útskriftarveisluna hennar Fjólu Daggar og við kíktum þangað í gærkvöldi. Ég er rosalega ánægð með að hafa kíkt þangað. Hitti fullt af gömlum bekkjarfélögum og fólki síðan úr FSu. Var pínu hrædd um að ég væri orðin doldið gömul fyrir þetta fólk en það var alls ekki, bara mjög margir á mínum aldri þarna:)

En vá, maður er alltaf að fá fréttir af því að fleiri og fleiri eru að verða óléttir! Það er einhver bylgja í gangi í gamla grunnskólabekknum mínum. Börn númer 7 og 8 eru á leiðinni núna! Haha, fyndið, ekki alveg pakki sem maður er í sjálfur en samt ótrúlega skemmtilegt hjá þeim að vera bara að eignast fjölskyldur:P

Framundan er svo verkleg vika þar sem bekknum mínum er skipt á nokkra staði á sjúkrahúsum og við eigum að fylgja læknum þar. Það verður örugglega bara fínt, gott að við þurfum ekkert að hugsa eða læra heima! Svo er bara að flytja hingað á Selfoss um næstu helgi! Hlakka bara til!:D

Gleðilegt sumar öllsömul!

Sól og sumar

Thu, 08 May 2008 22:08:49 GMT

Vá hvað það er búið að vera gott veður í dag! Ekkert smá þægilegt! Klukkan er líka orðin 10 og það er ennþá sól úti. Ég elska sumarið! Það er greinilega að koma sumar því það er orðið heitt úti og sólin skín:D

Versta við það er bara að vera ekki búin í skólanum og komin í sumarfrí. Það eru ennþá eftir tvær vikur af próflestri og svo ein verkleg vika! Svakalega mikið eftir en þá verður örugglega bara ennþá betra að komast í frí. Ég vona það allavega! Við flytjum sem sagt bara á selfoss strax á föstudeginum eftir að við erum búin i skólanum. Ég byrja svo að vinna á spítalanum á sunnudagsmorgninum. Það er ekki langt frí fyrir mig! Æi, það er allt í lagi, vona að sumarið verði gott. Hlakka rosalega mikið til að fara bara í vinnuna og vera svo bara búin það sem eftir er dagsins. Er líka orðin rosalga spennt fyrir Laugarvegsgöngunni sem er plönuð með bekknum 20-22. júní og svo líka fyrir árlegu útilegunni 9-11 ágúst;) Þetta er það sem ég er búin að plana en ég vona að það verði ennþá meira um skemmtilegheit. Jafnvel kannski ein ferð til Eyja að hitta Lórey!
Var einmitt að skutla foreldrum hans Árna og bræðrum út á flugvöll áðan, þau voru að fara til Danmerkur að hitta nýja litla barnið hjá Guðjóni, bróður Árna sem býr þarna úti. Mig langaði eiginlega bara með! Hver veit nema maður skelli sér jafnvel eina helgi eða svo til þeirra í sumar ef maður finnur tíma;)!

Við erum búin að fá út úr öllum prófunum sem eru búin. Búið að ganga svakalega vel, er ekkert smá sátt:D Vonandi verður bara þetta próf sem eftir er jafn gott og hin! Nú er bara að halda út þetta sem er eftir og reyna að gera gott úr því. Hjóla bara í skólann og svona til að njóta veðursins!

En allavega, nóg í bili!

Frí!!! jei!

Tue, 22 Apr 2008 18:20:59 GMT

Nú er ég búin í flestum prófunum mínum þessa önnina! Algjör snilld að vera í smá fríi. Við byrjum ekki í næsta áfanga fyrr en á föstudaginn þannig að nú eru 3 heilir dagar sem ég þarf ekki að gera neitt sérstakt!! :D:D:D:D

Eftir prófið í gær í samskiptafræði (sem gekk by the way mjög vel;)) þá fórum við Árni og keyptum okkur rúm í Húsgagnahöllinni. Við vorum búin að ákveða að gera það í haust en svo var eitthvað svaka tilboð þar á ekkert smá góðu rúmi svo við ákváðum bara að skella okkur á þetta:) Mamma og pabbi keyptu svo gamla rúmið af okkur til að hafa í nýja herberginu í Þrastarimanum. Við fengum jeppan frá pabba hans Árna lánaðan til að sækja nýja rúmið okkar, fara með það í Hátúnið og fara svo með hitt rúmið á Selfoss. Við settum nýja rúmið upp og það var algjör snilld að sofa í því í nótt!! Ég svaf eins og steinn og var alltaf að leggja mig aftur í morgun og hanga í rúminu mínu. Við fórum svo á Selfoss og vorum þar fram á kvöld í gær.
Ég elska nýja rúmið mitt:D

Í dag, þegar ég var loksins vöknuð, fór ég í ræktina með Eddu. Það var rosalega gott. Við fórum fyrst út að hlaupa og svo lyftum við. Ég er búin að vera allt of léleg í þessu... en nú skal taka á þessu;) Ég ætla að vera dugleg í þessu núna og koma mér í soldið gott form fyrir sumarið! Það var svo ótrúlega gott veður að ég ákvað svo að labba niðrí bæ og hitta Sólveigu þar á kaffihúsi. Við fengum okkur beiglur og kaffi (eða ég fékk mér náttúrulega kakó;)) og sátum úti á palli á kaffi Óliver. Ég hitti svo Möggu þegar ég var að labba heim og við löbbuðum aðeins um og spjölluðum.
Í kvöld er svo planið að fara með Eddu til Önnu og Öldu og borða saman pizzu og hafa það skemmtilegt. Hlakka til, allt of langt síðan við höfum hisst allar. Hefði reyndar verið gaman að hafa Fjólu líka...

Allavega, nóg í bili:) Endilega kommentið eitthvað skemmtilegt!

Góður dagur:)

Sat, 12 Apr 2008 18:48:55 GMT

vá, hvað það er ólýsanlega gott að vera búin með lífeðlifræði og lífefnafræði prófin! Það er sem sagt búin að vera soldil pása í þessari viku frá lærdómi en fer því miður að byrja aftur núna þar sem það er próf i fræðilegri aðferð á föstudaginn. En það er allt í góðu, tiltölulega auðveldur áfangi, svo þetta verður vonandi bara gott mál:D

Annars er dagurinn í dag búinn að vera rosa fínn. Bekkjapartý og vísó í orkuveituna í gær. Það var algjör snilld. Maður svaf svo bara út í morgun, þvílíkt gott!! Mamma og pabbi kíktu svo með mér og Sirrý í Tekk húsgögn þar sem Sirrý keypti sér ekkert smá flott húsgögn, öfund!;) Þau komu svo með rúnstykki og gotterí úr bakaríinu sem við fengum okkur í hádegismat:)
Ég hringdi svo í Eddu og við ákváðum að skella okkur bara í sund í góða veðrinu. Það var algjör snilld, það er alltaf svo gott að fara í smá sólbað. Nema hvað að ég sá að ég þarf virkilega að kaupa mér nýtt bikini, þetta sem ég var í var alveg hryllilega gamalt. Svo við ákváðum að skella okkur í Smáralindina eftir að við komum upp úr sundinu. Þar var sko verslað;) Ég keypti mér púður, maskara, kjól, peysu og bikini! það er bara svona:P Þannig að dagurinn er búinn að vera mjög góður og verður örugglega ennþá skemmtilegri því Lórey ætlar að koma hingað í kvöld og við ætlum að elda tortillur saman og eitthvað skemmtilegt.

Og svo tekur bara lærdómurinn við aftur...
KNÚS!!

próf...

Mon, 24 Mar 2008 15:12:42 GMT

jæja, ástæðan fyrir því að ég er búin að vera svona svakalega léleg að blogga núna er sú að það er bara próflestur á fullu. Það er sko ekkert páskafrí hjá mér... Eða mjög lítið allavega.

Ég er reyndar búin að taka því rólegar núna um páskana en ég hefði annars gert í próflestri. Ég fór td á selfoss á laugardaginn og var þar fram að kvöldmat á sunnudaginn og lærði voðalega lítið... kíkti bara rétt aðeins í bók. Það er reyndar ennþá alveg vika í próf þannig að mér fannst bara voða gott að vera heima í gestaganginum og borða páskaegg:) Svo erum við líka búin að hanga aðeins hjá tengdó líka, það er alltaf voða næs:P

Sirrý og Bjartmar komu heim aðfaranótt laugardagsins! Búið að vera ótrúlega gaman hjá þeim þarna úti en auðvitað alveg snilld að fá þau heim:D

En allavega, ég er sem sagt hér með búin að afsaka bloggleysi næstu tvær vikurnar;) hehe, knús!

að baka!

Mon, 03 Mar 2008 20:55:18 GMT

Ég ákvað í tilefni þess að það er mánudagur að baka franska súkkulaðiköku í eftirrétt eftir kvöldmatin! Finnst ykkur það ekki næg ástæða til að baka köku?? hehe, segi svona, mig langaði bara alveg ótrúlega mikið að gera eitthvað krúttlegt fyrir hann árna minn:P Þannig að ég fór út í búð og keypti allt sem þurfti í hana og meira að segja eitt pínkulítið páskaegg til að hafa líka, mér fannst það svo krúttlegt að ég bara varð! Nú er kakan í ofninum og ég vona að hún hafi heppnast vel! Ég hlakka til að smakka hana. Hún lítur allavega vel út þó þetta sé reyndar í fyrsta skiptið sem ég baka franska súkkulaðitertu:P

Annars er ég bara búin að vera að læra í dag. Það er ágætt að gera það svona öðru hvoru líka;) Á morgun er ég að fara í verklegt í skólanum þar sem við erum að fara að mæla líkamsstarfsemi hjá einhverjum einu okkar á meðan sá er að hjóla á æfingahjóli. Það hljómar alveg soldið spennandi finnst mér.. vonandi verður það bara skemmtilegt og ekkert alltof mikil úrvinnsla með skýrslugerð eftirá.

Svo var ég að ákveða fyrir fullt og allt í dag að ég ætla að vinna í Glitni á Selfossi í sumar. Það verður fínt að fara þangað aftur. Þar sem þetta er dagvinna þá er ég samt að hugsa um að vinna einhvers staðar annars staðar með um kvöld og helgar til að næla mér í smá aukapening;) hehe, maður verður víst líka að hugsa um það8)

Og já, magga er komin heim úr ævintýraferðalaginu frá Nýja Sjálandi! Fór í fallhlífastökk og allt! kreisí! Ekkert smá gott að fá hana aftur heim:D

Knús!!!

Á selfossi

Sat, 16 Feb 2008 12:55:30 GMT

Nú er ég hérna heima á Selfossi hjá mömmu og pabba. Ég skil ekki hvað það er ótrúlega gott alltaf að kíkja aðeins hingað, maður endurnærist alveg! Algjör snilld:)

Annars er bara allt eins hjá mér. Nóg að gera í skólanum og ennþá alveg fullt af verklegum tímum og úrvinnslu úr þeim. Við vorum einmitt að klára vefverkefni núna áðan... Þetta tekur svo langan tíma að maður nennir varla að læra svo áfram bara í bókunum þegar maður kemur heim. En svona er þetta;) Maður lærir reyndar alveg ótrúlega mikið á því að fara í þessa verklegu tíma þó það sé langdregið...

Í kvöld er svo ýmislegt planað. Það er fyrsta smá matarboð hérna á Selfossi. Frænka mín, maðurinn hennar og afi minn eru að koma í mat hingað til mömmu og pabba á eftir. Ég held að það eigi að vera eitthvað svaka gott í matinn, læri eða eitthvað, namminamminamm! :haha:
Svo ætlum við að bruna í bæinn og Árni er búinn að bjóða einhverjum heim til okkar í kvöld, svona í tilefni af því að hann átti afmæli um daginn. Soldið mörgum held ég meira að segja, en það er bara skemmtilegra;)

Endilega kommentiði eitthvað;) KNÚS!

Föst á Akureyri

Thu, 07 Feb 2008 15:50:20 GMT

Jamms, alveg satt. Og það lítur ekkert vel út...:S Allir vegir lokaðir og við virðumst ætla að vera hérna í þangað til á morgun eða jafnvel hinn... Síminn minn er orðinn batteríslaus þannig að ef þið þurfið að ná í mig þá hringiði bara í Árna;)
Við erum sem sagt 6 hérna úr bekknum, fórum til að halda nokkra Ástráðsfyrirlestra fyrir krakkana hérna fyrir norðan. Við komum á þriðjudagskvöldið og áttum að fljúga kl 18:40 í dag en það virðist ekki ætla að ganga. Þetta er búið að vera mjög fínt en við hefðum svosem alveg verið til í að fara heim í kvöld. En ekkert við þessu að gera, bara reyna að njóta þess að fá að vera lengur hérna í þessum fína bæ;) Við erum bara hérna hjá Gullu frænku í rólegheitum og erum á góðum bílaleigubíl þannig að þetta er allt í góðu.

Knús frá mér:)

Allt brjálað að gera!

Wed, 16 Jan 2008 22:30:23 GMT

halló allir:P

Úff, ég er frekar þreytt...Það er búið að vera ótrúlega mikið að gera síðan skólinn byrjaði. Fyrst vikan fór mjög mikið í verklegt í skólanum, stanslausir tímar frá 8-17 og einn daginn var ekki einu sinni hádegishlé!

Á föstudaginn var samt frí en þá vorum við búin að ákveða nokkur í bekknum að fara í skíðaferð á Akureyri! Við leigðum 2 bústaði í Ytri Vík sem er ca 30 mín keyrsla frá Akureyri. Við komum þangað um kl 15 og vorum mætt í kynningu á Fjórðungssjúkrahúsið á Akureyri kl 16. Eftir það var farið í Bónus og matur keyptur áður en við fórum í bústaðinn og fengum okkur að borða. Sumir grilluðu sér mat (sem tókst misvel!) en við keyptum okkur bara tilbúna Domino's pizzu og tókum með okkur, við vorum orðin svo ótrúlega svöng! Svo var farið í pottinn og fínheit um kvöldið, reyndar frekar mikið þröngt þegar allir voru að reyna að troða sér í einn pott! Laugardagurinn var svo tekinn snemma og við vorum komin í Hlíðarfjall við opnun kl 10 um morguninn. Svo var skíðað og skíðað í snilldar veðri!! Þetta var æði, hreint út sagt! Maður fann líka alveg soldið fyrir því daginn eftir út af öllum harðsperrunum;)
Við fórum svo öll í sund áður en við mættum í vísó hjá Víking (Vífilfelli) um kvöldið. Það var fínt nema hvað að fólk var orðið frekar svangt enda þreytt og svöng eftir daginn, bara búin að borða í hádeginu! Þið getið ímyndað ykkur hvernig það fór;) Ég skutlaði svo þessum vitleysingum á Greifann þar sem við fengum okkur pizzur og gotterí og svo lá leiðin aftur í bústaðina eftir hreint út sagt SNILLDARDAG! Vægast sagt! Nema hvað, í bústaðnum var fínt, sumir reyndar ansi mikið vel í því, hehe, en það var bara fyndið. Gott að hafa annan bústað til að geta flúið í til að sofa:P Ég og árni fórum reyndar frekar snemma að sofa miðað við hina til að geta lagt af stað ekkert voðalega seint í bæinn. Ég get ekkert annað sagt um þessa ferð nema bara að hún hafi verið FRÁBÆR í alla staði:D ég náði reyndar ekki að kíkja til Gullu sem ég hefði vilja gera, en svona er þetta, það er ekki hægt að gera allt.

Þessi vika er svo búin að vera svipuð. Brjálað að gera í skólanum og ekkert stopp. Svo erum við Árni líka að skipta um íbúð við Möggu þannig að þegar við komum heim þá taka við flutningar.

hehe, þetta var frekar löng færsla... þetta er allavega fínt í bili:P

sirrý og bjartmar á leið til nýja sjálands!!

Sun, 30 Dec 2007 14:18:12 GMT

Já, alveg satt, og ætla að vera í þrjá mánuði! Þetta er ekkert smá ferðalag, tekur 2 sólahringa! Þau fóru á keflavíkurflugvöll í morgun en vegna veðurs seinkaði fluginu þeirra til london. Þannig að þau þurftu að breyta fluginu þannig að í staðinn fyrir að fljúga gegnum los angeles þá fljúga þau um Hong Kong!! hehe, manni finnst þetta mjög skrýtið en það er jafn langt ferðalag, alveg sama hvorn hringinn í kringum hnöttinn þú ferð, nýja sjáland er akkurat hinumeginn:P

En allavega, þið getið fylgst með ferðalaginu þeirra á www.bjartmarogsirry.com ef þið viljið;)

Á selfossi

Sun, 23 Dec 2007 11:21:43 GMT

Jæja, þá er ég komin á selfoss til að vera yfir jólin. Þetta verður fínt, bara slappa af, borða jólamat, smákökur og konfekt og sauma smá. Alltaf gott þegar maður getur fengið að gera bara það sem manni dettur í hug þegar manni dettur það í hug og án þess að hafa samviskubit yfir því að vera ekki að læra;)

Ég ætla sem sagt að vera hérna heima á aðfangadag. Svo á jóladag eru tvö jólaboð hjá fjölskyldu Árna og á annan í jólum eru tvö jólaboð hjá fjölskyldunni minni. Þannig að það er sko nóg að gera! Alltaf gaman að þessu;) Áramótin verða svo þannig að við borðum hérna heima á selfossi og verðum fram yfir áramótaskiptin. Svo ætlum við að bruna í bæinn og hitta fjölskylduna hans árna líka og vonandi einhverja vini;)

Gleðileg jól öllsömul!!